- ઓક્ટોબર 2022ના જીએસટી કલેક્શન કરતાં 13 ટકા વધુ
- એપ્રિલ 2023માં 1.87 લાખ કરોડ રૂપિયા જીએસટી કલેક્શન
- સકલ માસિક GST કલેક્શન હવે 1.66 લાખ કરોડ રૂપિયા
નાણા મંત્રાલયે બુધવારે જણાવ્યું છે કે ઓક્ટોબરમાં ગુડ્સ એન્ડ સર્વિસ ટેક્સ (GST) કલેક્શન રૂ. 1.72 લાખ કરોડ હતું, જે અત્યાર સુધીનું બીજું સૌથી વધુ જીએસટી કલેક્શન છે. આ કલેક્શન ઓક્ટોબર 2022માં 1.52 લાખ કરોડ રૂપિયા કરતાં 13 ટકા વધુ છે.
ઓક્ટોબર 2023 માટે GST રેવન્યુ કલેક્શન રૂ. 1.72 લાખ કરોડ છે, જે એપ્રિલ 2023 પછી બીજા ક્રમનું સૌથી વધુ જીએસટી કલેક્શન છે. નાણા મંત્રાલયે એક નિવેદનમાં કહ્યું કે વાર્ષિક ધોરણે 13 ટકાનો રેકોર્ડ વધારો થયો છે. ગુડ્સ એન્ડ સર્વિસ ટેક્સ (GST) થી અત્યાર સુધીની સૌથી વધુ આવક એપ્રિલ 2023 માં 1.87 લાખ કરોડ રૂપિયા નોંધાઈ હતી.
નાણાકીય વર્ષ 2023-24માં સરેરાશ સકલ માસિક GST કલેક્શન હવે 1.66 લાખ કરોડ રૂપિયા પર પહોંચી ગયું છે, જે એક વર્ષ અગાઉના સમયગાળા કરતાં 11 ટકા વધુ છે.
