ગાંધીનગર નવા સચિવાલય ખાતે ઝેરોક્ષ મશીન ઓપરેટર તરીકે કોન્ટ્રાક્ટ પર કામ કરનારા ભેજાબાજે સરકારી નોકરીની લાલચ આપીને 27 નોકરીવાચછુઓ સાથે રૂ. 1.43 કરોડની ઠગાઈ આચરી છે. નાણા વસુલ્યાંના દોઢ વર્ષ સુધી નોકરી કે એપોઇન્ટમેન્ટ લેટર નહીં મળતા મામલો સેક્ટર -7 પોલીસ મથકે પહોંચ્યો છે.
અમદાવાદ ચાંદખેડામાં રહેતા અમિતભાઈ મહેન્દ્રકુમાર ભાવસારે સેક્ટર -7 પોલીસ મથકમાં નોંધાવેલી ફરિયાદ મુજબ 2005 ના વર્ષમાં તેઓ ઝેરોક્ષ મશીન ની સર્વિસ મેન્ટેનન્સની કંપનીમાં કામ કરતા હતા. આ કંપનીએ ગાંધીનગર ના સેક્ટર 11 ખાતે આવેલી એક દુકાનમાં ઝેરોક્ષ મશીન કરવાનું કોન્ટ્રાક્ટ રાખ્યો હતો. આ દુકાનમાં અમિતભાઈની મુલાકાત શૈલેષભાઈ ભીખાભાઈ ઠાકોર સાથે થઈ હતી. સમય જતા તેમના સંબંધો ગાઢ થયા હતા અને 2018માં શૈલેષ એ નવા સચિવાલયના બ્લોક નંબર 14માં પાંચમા માળે અન્ન નાગરિક પુરવઠા વિભાગમાં ઝેરોક્ષ મશીન ચલાવવાનો કોન્ટ્રાક્ટ રાખ્યો હતો. શૈલેષ જુના સંબંધના નાતે આ મશીનના મેન્ટેનન્સ અમિતભાઈ ને આપ્યું હતું.
જ્યારે શૈલેષએ અમિતભાઈ ને જીએસપીસી માં ક્લાર્કની ચાર જગ્યાએ ખાલી હોવાની માહિતી આપી હતી. સચિવાલયના એક સાહેબ પૈસા લઈને કાયમી નોકરી અપાવશે તેઓ વિશ્વાસ આપ્યો હતો. દર વર્ષે બે ત્રણ માણસોને પાંચ લાખ માણસ સરકારી નોકરી અપાવે છે. આ પૈકીના રૂપિયા દોઢ લાખ પહેલા અને બાકીના નોકરી નો ઓર્ડર આપે પછી આપવાના હતા. જેમાં વર્ગ -૩ માં નોકરી માટે રૂ. પાંચ લાખ ,ડ્રાઇવરની નોકરી માટે રૂ. 4 લાખ, પટાવાળા ની નોકરી માટે વ્યક્તિદીઠ રૂ. બે લાખનો ભાવ તેણે જણાવ્યો હતો. જીએસપીસી માં ફરજ બજાવતા દીપક પાટડીયા અને દિલ્હી ખાતે ફરજ બજાવતા આઈએએસ રૂપેશ મિશ્રા નોકરી આપવાનું કામ કરી આપશે તેઓ વિશ્વાસ શૈલેષએ અપાવ્યો હતો. શૈલેષ ની વાતોમાં આવી જઈ અમિતભાઈએ 27 પરિચિતો પાસેથી રોકડા ચેક અને યુપીઆઈ મારફતે રૂપિયા 1.43 કરોડ અપાવ્યા હતા. શૈલેષે એક પણ વ્યક્તિને નોકરી નહીં અપાવતા અમિતભાઈ જીએસપીસી ની ઓફિસમાં દિપક પાટડીયા ને મળવા ગયા હતા. પરંતુ આવી કોઈ વ્યક્તિ મળી ન હતી દોઢ વર્ષ સુધી કોઈ વ્યક્તિને નોકરી મળી ન હતી. વારંવાર શૈલેષનો સંપર્ક કરવા તેમણે પ્રયાસ કર્યો હતો પરંતુ સેક્ટર 5 ખાતે આવેલું પોતાનું મકાન બંધ કરીને શૈલેષ જતો રહ્યો હતો. શૈલેષ અને તેની પત્નીના ફોન પણ બંધાવતા હતા. આ ઘરે આ મામલે અમિતભાઈએ સેક્ટર- 7 પોલીસ મથકમાં ફરિયાદ નોંધાવી હતી.
