ICC ચેમ્પિયન્સ ટ્રોફી 2025 19 ફેબ્રુઆરીથી શરૂ થવા જઈ રહી છે. આ ટુર્નામેન્ટમાં 8 ટીમો ભાગ લઈ રહી છે. ટૂર્નામેન્ટની શરૂઆત પહેલા પૂર્વ પાકિસ્તાની દિગ્ગજ અફઘાનિસ્તાનમાં પ્રવેશી ચૂક્યો છે. ODI ક્રિકેટમાં 7249 રન બનાવનાર પૂર્વ પાકિસ્તાની ક્રિકેટરને ચેમ્પિયન્સ ટ્રોફી 2025 માટે અફઘાનિસ્તાન ટીમ દ્વારા તેના માર્ગદર્શક તરીકે નિયુક્ત કરવામાં આવ્યો છે.
યુનુસ ખાન અફઘાનિસ્તાનના માર્ગદર્શક ( મેન્ટર ) બન્યા
અફઘાનિસ્તાનની ટીમ 21 ફેબ્રુઆરીથી ચેમ્પિયન્સ ટ્રોફી 2025માં પોતાના અભિયાનની શરૂઆત કરશે. અફઘાનિસ્તાનની પ્રથમ મેચ દક્ષિણ આફ્રિકા સાથે થશે. હવે આ ટૂર્નામેન્ટ માટે અફઘાનિસ્તાને પૂર્વ પાકિસ્તાની ક્રિકેટર યુનિસ ખાનને ટીમનો મેન્ટર બનાવ્યો છે.
યુનુસે તેની આંતરરાષ્ટ્રીય કારકિર્દીમાં 118 ટેસ્ટ મેચોમાં 10099 રન બનાવ્યા છે
યુનુસે તેની આંતરરાષ્ટ્રીય કારકિર્દીમાં 118 ટેસ્ટ મેચોમાં 10099 રન બનાવ્યા છે, જેમાં તેનો સર્વશ્રેષ્ઠ સ્કોર 313 રન છે. તે ICC રેન્કિંગમાં વિશ્વનો નંબર 1 બેટ્સમેન પણ હતો. તેમની કેપ્ટનશીપ હેઠળ પાકિસ્તાનની ટીમે 2009માં તેનો એકમાત્ર T20 વર્લ્ડ કપ પણ જીત્યો હતો. નિવૃત્તિ બાદ તેણે ઘણી ટીમોમાં કોચની ભૂમિકા પણ ભજવી હતી. તેઓ થોડા સમય માટે પાકિસ્તાન ટીમના બેટિંગ કોચ પણ હતા. યુનુસે પાકિસ્તાન સુપર લીગ (PSL) માં પેશાવર ઝાલ્મી સાથે કામ કર્યું છે, જ્યારે તાજેતરમાં તેણે અબુ ધાબી T10 લીગમાં બાંગ્લા ટાઈગર્સ માટે મુખ્ય કોચ તરીકે સેવા આપી હતી.
ઈંગ્લેન્ડ-અફઘાનિસ્તાન વચ્ચે 26 ફેબ્રુઆરીએ મેચ રમાશે
ચેમ્પિયન્સ ટ્રોફી 19 ફેબ્રુઆરીથી શરૂ થશે. આ ICC ટૂર્નામેન્ટ પાકિસ્તાન અને દુબઈમાં રમાશે. ઈંગ્લેન્ડ અને અફઘાનિસ્તાન વચ્ચેની મેચ 26 ફેબ્રુઆરીએ પાકિસ્તાનના લાહોરના ગદ્દાફી સ્ટેડિયમમાં રમાશે. આ ટૂર્નામેન્ટમાં બંને ટીમોની આ બીજી મેચ હશે. આ પહેલા ઈંગ્લેન્ડનો મુકાબલો 22 ફેબ્રુઆરીએ ઓસ્ટ્રેલિયા સામે થશે. જ્યારે 21 ફેબ્રુઆરીએ અફઘાનિસ્તાન દક્ષિણ આફ્રિકા સામે ટકરાશે.
