મોરબીના ટંકારામાં મહર્ષિ દયાનંદ સરસ્વતીની 200 મી જન્મજયંતિ ઉજવણી કાર્યક્રમમાં તારીખ 10-02-2024 થી 12-02-2024 સુધી દેશના વિવિધ રાજ્યોમાથી તેમજ દેશ વિદેશ માથી પણ અનેક લોકો તેમજ અનેક મહાનુભવો ટંકારા ખાતે પધારેલ હતા તે તમામ લોકોને આરોગ્ય સેવાઓ સારી રીતે મળી રહે તે માટે આરોગ્ય અધિકારી-કર્મચારીઓ દ્વારા આયોજન અને વ્યવસ્થા કરવામાં આવી હતી.
મેડિકલ સારવારની સેવાઓ આરોગ્યની વિવિધ યોજનાઓ કાર્યક્રમનો પ્રચાર માટે પ્રદર્શન ગોઠવવામાં આવ્યો હતો. તેમજ કાર્યક્રમના સ્થળે આભા PMJAY કાર્ડનો સ્ટોલ રાખવામાં આવ્યા હતા. આમ આરોગ્ય લગત વિવિધ સેવાઓ આપવામાં આવી હતી.
આ સેવાઓ માટે મુખ્ય જીલ્લા આરોગ્ય અધિકારી ડૉ.કવિતા દવે દ્વારા સૂચના અને માર્ગદર્શન આપેલ આ કાર્યક્રમ દરમ્યાન ADHO ડૉ ડી.બી મહેતા, RCHO ડૉ.સંજય શાહ, EMO ડૉ. ડી.વી બાવરવા, QAMO ડૉ.હાર્દિક રંગપરિયા, DMO ડૉ.વિપુલ કારોલીયા ઉપરાંત અન્ય કર્મચારીઓએ સેવા આપી હતી તેમજ પ્રચાર પ્રસારની કામગીરી ઇન્ચાર્જ DIECO ડી.એન સંઘાણી દ્વારા કરવામાં આવી હતી.
આ કાર્યક્રમ દરમ્યાન કુલ 1530 લોકોને આરોગ્યની વિવિધ સેવાઓ આપવામાં આવી હતી. આ આરોગ્ય સેવાઓ માટે તાલુકા હેલ્થ ઓફિસર ડૉ.ડી.જી બાવરવા તાલુકા હેલ્થ સુપરવાઇઝર પટેલ હિતેશ કે તથા તાલુકા હેલ્થ વીઝીટર ભાવનાબેન પટેલ દ્વારા સારી વ્યવસ્થા પૂરી પાડી હતી.
