સ્મૃતિ મંધાનાનું બેટ દરેક મેચમાં રમી રહ્યું છે. વેસ્ટ ઈન્ડિઝ સામેની T20 સીરીઝની ત્રીજી મેચમાં સ્મૃતિ મંધાનાએ કંઈક એવું કર્યું જેની કદાચ કોઈએ અપેક્ષા પણ નહીં કરી હોય. આ લેફ્ટ હેન્ડ બેટરે વેસ્ટ ઈન્ડિઝ સામે સતત 7 બાઉન્ડ્રી ફટકારી હતી.
સ્મૃતિ મંધાના સામાન્ય રીતે સમય સાથે રમે છે, તે ફક્ત ટાર્ગેટ બોલને ફટકારે છે, પરંતુ નવી મુંબઈના ડીવાય પાટિલ સ્ટેડિયમમાં આ ખેલાડી એક અલગ જ અંદાજમાં જોવા મળી હતી, તમને જણાવીએ કે સ્મૃતિ મંધાનાએ કેવી રીતે વેસ્ટ ઈન્ડિઝના બોલરોની સામે રન બનાવ્યા.
સ્મૃતિ મંધાનાએ 7 બોલમાં 7 બાઉન્ડ્રી ફટકારી
સ્મૃતિ મંધાનાએ ત્રીજી અને ચોથી ઓવરમાં આ સિદ્ધિ મેળવી હતી. ત્રીજી ઓવર ફેંકતા હેનરીના ચોથા બોલ પર મંધાનાએ ચોગ્ગો ફટકાર્યો હતો. સ્મૃતિ મંધાનાએ પણ પાંચમા અને છઠ્ઠા બોલ પર ચોગ્ગા ફટકાર્યા હતા. આ પછી સ્મૃતિ મંધાનાને ચોથી ઓવરના બીજા બોલ પર સ્ટ્રાઈક મળી અને આ ખેલાડીએ ડોટિનના બીજા બોલ પર ચોગ્ગો, ત્રીજા બોલ પર સિક્સર, ચોથા બોલ પર ચોગ્ગો અને પછી પાંચમા બોલ પર ચોગ્ગો ફટકાર્યો. આ રીતે સ્મૃતિ મંધાનાએ સતત 7 બાઉન્ડ્રી ફટકારી હતી.
સ્મૃતિ મંધાનાએ નોંધાવી ખાસ હેટ્રિક
સ્મૃતિ મંધાનાએ ન માત્ર સતત 7 બાઉન્ડ્રી ફટકારી, આ સિવાય તેને માત્ર 27 બોલમાં પોતાની અડધી સદી પણ પૂરી કરી. મોટી વાત એ છે કે આ સિરીઝમાં સ્મૃતિ મંધાનાની આ ત્રીજી અડધી સદી છે. આ રીતે તેણે અડધી સદીની હેટ્રિક ફટકારી હતી. સ્મૃતિ મંધાનાએ પ્રથમ T20 મેચમાં 54 રન બનાવ્યા હતા જ્યારે બીજી મેચમાં આ ખેલાડીએ 62 રનની ઈનિંગ રમી હતી.
