પંજાબ કિંગ્સ (PBKS) એ ઈન્ડિયન પ્રીમિયર લીગ 2025 માટે પોતાના કેપ્ટનની જાહેરાત કરી છે. પંજાબ કિંગ્સે પોતાના નવા કેપ્ટનની જાહેરાત અનોખી રીતે કરી. સુપરસ્ટાર સલમાન ખાને બિગ બોસ 18 ના વીકેન્ડ કા વાર એપિસોડ દરમિયાન શ્રેયસ ઐયરને પંજાબ કિંગ્સના કેપ્ટન તરીકે જાહેર કર્યો.
યુઝવેન્દ્ર ચહલ અને શશાંક સિંહ પણ રહ્યા હાજર
આ દરમિયાન શ્રેયસ ઐયર સાથે યુઝવેન્દ્ર ચહલ અને શશાંક સિંહ પણ હાજર હતા. શ્રેયસ ઐયરની કેપ્ટનશીપમાં KKR એ IPL 2024નો ખિતાબ જીત્યો હતો. IPL મેગા ઓક્શનમાં પંજાબ કિંગ્સે શ્રેયસ ઐયરને 26.75 કરોડ રૂપિયામાં ખરીદ્યો. તે IPLનો બીજો સૌથી મોંઘો ખેલાડી છે.
કેપ્ટનશીપમાં તેનો શાનદાર રેકોર્ડ
શ્રેયસ ઐયરે 2020 માં દિલ્હીને તેની પહેલી IPL ફાઈનલમાં પહોંચાડ્યું હતું પરંતુ તેઓ ફાઈનલમાં મુંબઈ ઈન્ડિયન્સ (MI) સામે હારી ગયા હતા. ત્યારબાદ દિલ્હીએ 2021 સીઝનમાં ઐયરની જગ્યાએ રિષભ પંતને પોતાનો કેપ્ટન નિયુક્ત કર્યો. બાદમાં 2022માં, ઐયરને KKR દ્વારા ખરીદવામાં આવ્યો. તેણે બે સીઝન માટે KKRનું નેતૃત્વ કર્યું. તે KKR ને ટાઈટલ જીત તરફ લઈ ગયો.
IPL 2025 માટે પંજાબ ટીમ
શશાંક સિંહ, પ્રભસિમરન સિંહ, અર્શદીપ સિંહ, શ્રેયસ ઐયર, યુઝવેન્દ્ર ચહલ, માર્કસ સ્ટોઈનિસ, ગ્લેન મેક્સવેલ, નેહલ વઢેરા, હરપ્રીત બ્રાર, વિષ્ણુ વિનોદ, વિજયકુમાર વૈશાખ, યશ ઠાકુર, માર્કો જાનસેન, જોશ ઈંગ્લિસ, લોકી ફર્ગ્યુસન, અઝમતુલ્લાહ ઉમરઝાઈ, હરનૂર પન્નુ, કુલદીપ સેન, પ્રિયાંશ આર્ય, એરોન હાર્ડી, મુશીર ખાન, સૂર્યાંશ શેડગે, ઝેવિયર બાર્ટલેટ, પાઈલા અવિનાશ, પ્રવીણ દુબે.
23 માર્ચથી શરૂ થશે IPL 2025
IPL 2025 ને લઈને એક મોટી અપડેટ આવી છે. આ વખતે IPL 23 માર્ચથી શરૂ થશે.
