આજે IPLમાં, મુંબઈ ઈન્ડિયન્સ વિરુદ્ધ લખનૌ સુપર જાયન્ટ્સ મેચ પછી, દિલ્હી કેપિટલ્સ વિરુદ્ધ રોયલ ચેલેન્જર્સ બેંગ્લુરુ વચ્ચે મેચ રમાઈ રહી છે. પહેલગામમાં થયેલા આતંકવાદી હુમલા બાદ દેશભરમાં સુરક્ષા વધારી દેવામાં આવી છે, તેની અસર આઈપીએલ મેચોમાં પણ જોવા મળી હતી.
જે સ્ટેડિયમમાં IPL મેચ રમાઈ રહી છે ત્યાં સુરક્ષા માટે એન્ટી-ડ્રોન સિસ્ટમ તૈનાત કરવામાં આવી છે. આ હથિયારનું નામ વજ્ર સુપર શોટ છે, જે ગરુડની જેમ આકાશમાં નજર રાખે છે.
પહલગામમાં થયેલા આતંકવાદી હુમલા બાદ મેચમાં પણ સાવધાની
શનિવારે ઈડન ગાર્ડન્સ ખાતે રમાયેલી મેચમાં વજ્ર સુપર શોટનો ઉપયોગ કરવામાં આવ્યો હતો. IPL એ વિશ્વની સૌથી મોટી ક્રિકેટ લીગ છે, જેમાં વિશ્વના દરેક મોટા ખેલાડી રમી રહ્યા છે. તેથી, BCCI સુરક્ષાના સંદર્ભમાં કોઈ બેદરકારી રાખવા માંગતું નથી. 22 એપ્રિલે પહલગામમાં થયેલા આતંકવાદી હુમલા બાદ, જેમાં 26 લોકો માર્યા ગયા હતા, દરેક પ્રકારની સાવચેતી રાખવામાં આવી રહી છે. હવે તે દરેક મેચમાં ઉપયોગમાં લેવાશે.
મીડિયા રિપોર્ટ મુજબ BBBS (બિગ બેંગ બૂમ સોલ્યુશન્સ પ્રાઈવેટ લિમિટેડ) એ શનિવારે દેશભરમાં ઈન્ડિયન પ્રીમિયર લીગ 2025 મેચો દરમિયાન એરસ્પેસ સુરક્ષા માટે તેની સ્વદેશી એન્ટી-ડ્રોન સિસ્ટમ, વજ્ર સુપર શોટ, તૈનાત કરવાની જાહેરાત કરી.
વજ્ર સુપર શોટમાં શું ખાસ છે?
વજ્ર સુપર શોટ એક હલકું, હાથથી પકડી શકાય તેવું એન્ટી-ડ્રોન હથિયાર છે જે 4 કિલોમીટર દૂર સુધીના ડ્રોનને શોધી કાઢવા અને તેમના સંચાર સંકેતોને વિક્ષેપિત કરવા, સંભવિત જોખમોને અસરકારક રીતે નિષ્ક્રિય કરવા સક્ષમ છે. BBBS ના એક પ્રેસ રિલીઝ મુદબ તેની પોર્ટેબિલિટી અને અનુકૂલનશીલ ફ્રીક્વન્સી જામિંગ તેને ગીચ સ્ટેડિયમ જેવા ગતિશીલ વાતાવરણ માટે આદર્શ બનાવે છે.
IPL 2025 વેન્યૂ
આજે 27 એપ્રિલે IPLમાં 45મી (MI vs LSG) અને 46મી (DC vs RCB) મેચ રમાઈ. આ સિઝનમાં યોજાનારી 74 મેચ માટે 13 સ્થળોની પસંદગી કરવામાં આવી હતી, જેમાંથી કેટલાક સ્ટેડિયમમાં યોજાનારી બધી મેચ રદ્દ કરવામાં આવી છે. હવે પંજાબ કિંગ્સ તેમની બાકીની હોમ મેચ ધર્મશાળા ક્રિકેટ સ્ટેડિયમમાં રમશે. આજની મેચ પછી, દિલ્હીમાં વધુ બે મેચ રમાશે. ફાઈનલ સહિત પ્લેઓફ મેચો કોલકાતા અને હૈદરાબાદમાં રમાશે.
