- ભારત-બાંગ્લાદેશ સંબંધોમાં આજે વધુ એક સુવર્ણ અધ્યાય ઉમેરાયો
- બંને દેશોના વડા પ્રધાનો ત્રણ વિકાસ પ્રોજેક્ટ લોન્ચ કર્યા
- PM મોદી અને શેખ હસીનાએ સવારે 11 વાગ્યે કર્યું ઉદ્ધાટન
નવી દિલ્હીઃ આજે ભારત-બાંગ્લાદેશ સંબંધોમાં વધુ એક સુવર્ણ અધ્યાય ઉમેરાયો. આનાથી ભારતને તેના પાડોશી દેશને બિઝનેસમાં આગળ વધારવામાં મદદ મળશે એટલું જ નહીં પરંતુ તેની ઉર્જાની જરૂરિયાતો પૂરી કરવામાં પણ મદદ મળશે. વડાપ્રધાન નરેન્દ્ર મોદી અને તેમના બાંગ્લાદેશી સમકક્ષ શેખ હસીના સવારે 11 વાગ્યે એક ઓનલાઈન કાર્યક્રમમાં જોડાયા હતા. આ દરમિયાન, બંને દેશોના વડાઓ ત્રણ ભારતીય સહાયિત વિકાસ પ્રોજેક્ટ્સના ‘શ્રી ગણેશ’ વિધિ કરી હતી. આ ત્રણ પ્રોજેક્ટ્સમાં અગરતલા-અખૌરા ક્રોસ બોર્ડર રેલ લિંક, મોંગલા રેલ લાઇન અને મૈત્રી સુપર થર્મલ પાવર પ્લાન્ટ યુનિટ-2નો સમાવેશ થાય છે. આ પહેલા, મૈત્રી સુપર થર્મલ પાવર પ્લાન્ટના પ્રથમ યુનિટનું સપ્ટેમ્બર 2022 માં બંને વડા પ્રધાનો દ્વારા સંયુક્ત રીતે ઉદ્ઘાટન કરવામાં આવ્યું હતું. આ પ્રોજેક્ટ્સ આ પ્રદેશમાં કનેક્ટિવિટી વધારશે અને ઊર્જા સુરક્ષાને મજબૂત કરશે.
અગરતલાથી કોલકાતા વચ્ચે રેલવે લાઈન શરુ
અગરતલા-અખૌરા ક્રોસ બોર્ડર રેલ લિંક 15 કિમી લાંબી છે (ભારતમાં 5 કિમી અને બાંગ્લાદેશમાં 10 કિમી). આનાથી સરહદ પારના વેપારને પ્રોત્સાહન મળશે. આનાથી અગરતલાથી કોલકાતા વાયા ઢાકા જવાનો સમય પણ ઘટશે. પ્રોજેક્ટનું પ્રાયોગિક પરીક્ષણ સોમવારે બપોરે 12 વાગ્યે કરવામાં આવ્યું હતું. આ પ્રોજેક્ટમાં એક મોટો પુલ અને ત્રણ નાના પુલનો સમાવેશ થાય છે. હાલમાં ટ્રેનને અગરતલાથી કોલકાતા પહોંચવામાં લગભગ 31 કલાક લાગે છે, જે 10 કલાક ઘટશે. પ્રોજેક્ટના કામને ઝડપી બનાવવા માટે, ભારતીય રેલ્વેએ તેના બજેટમાંથી રૂ. 153.84 કરોડ ફાળવ્યા છે. ભારત સરકારે આ પ્રોજેક્ટ માટે બાંગ્લાદેશને 392.52 કરોડ રૂપિયાની સહાય પૂરી પાડી છે.
બીજો મહત્વનો પ્રોજેક્ટ ખુલના-મોંગલા પોર્ટ રેલ લાઈનનો છે. ખુલના-મોંગલા પોર્ટ રેલ લાઈન પ્રોજેક્ટને ભારત સરકારની રાહત ધિરાણ સુવિધા હેઠળ અમલમાં મુકવામાં આવ્યો છે જેની કુલ કિંમત $388.92 મિલિયન છે. આ પ્રોજેક્ટમાં મોંગલા પોર્ટ અને ખુલનામાં હાલના રેલ નેટવર્ક વચ્ચે લગભગ 65 કિલોમીટરના બ્રોડ-ગેજ રેલ માર્ગનું નિર્માણ સામેલ છે. આ બાંગ્લાદેશના બીજા સૌથી મોટા બંદર મોંગલાને બ્રોડ-ગેજ રેલ્વે નેટવર્ક સાથે જોડશે.
મૈત્રી સુપર થર્મલ પાવર પ્લાન્ટના યુનિટ-2નું કર્યું ઉદ્ધાટન
મૈત્રી સુપર થર્મલ પાવર પ્રોજેક્ટ એ 1320 મેગાવોટનો સુપર થર્મલ પાવર પ્લાન્ટ (MSTPP) છે જે બાંગ્લાદેશના ખુલના ડિવિઝનમાં રામપાલ ખાતે સ્થિત છે, જે $1.6 બિલિયનની ભારતીય કન્સેશનલ ફાઇનાન્સિંગ સ્કીમ લોન હેઠળ છે. આ પ્રોજેક્ટ બાંગ્લાદેશ-ઇન્ડિયા ફ્રેન્ડશિપ પાવર કંપની (પ્રાઇવેટ) લિમિટેડ (BIFPCL) દ્વારા અમલમાં મૂકવામાં આવ્યો છે. તે ભારતની NTPC લિમિટેડ અને બાંગ્લાદેશ પાવર ડેવલપમેન્ટ બોર્ડ (BPDB) વચ્ચેની 50:50 સંયુક્ત સાહસ કંપની છે. મૈત્રી સુપર થર્મલ પાવર પ્લાન્ટના યુનિટ-1નું સપ્ટેમ્બર 2022માં બંને વડાપ્રધાનો દ્વારા સંયુક્ત રીતે અનાવરણ કરવામાં આવ્યું હતું. યુનિટ 2નું આજે ઉદ્ઘાટન થશે. મૈત્રી સુપર થર્મલ પાવર પ્લાન્ટનું સંચાલન બાંગ્લાદેશમાં ઊર્જા સુરક્ષાને વધારશે.
