ઈન્ડિયન પ્રીમિયર લીગની 18મી સીઝન ભારતમાં યોજાઈ રહી છે, જ્યારે પીએસએલની 10મી સીઝન પાકિસ્તાનમાં રમાઈ રહી છે. ભલે ગમે તેટલો મોટો તફાવત હોય.
પાકિસ્તાનીઓ હંમેશા PSL ની સરખામણી IPL સાથે કરે છે, અને એમ પણ કહે છે કે PSL IPL કરતા વધુ સારી છે. પરંતુ પાકિસ્તાનના ભૂતપૂર્વ ફાસ્ટ બોલર મોહમ્મદ આમિરે પોતાના નિવેદનથી પાકિસ્તાન સુપર લીગની મજાક ઉડાવી હતી.
IPLને પ્રાથમિકતા આપશે: મોહમ્મદ આમિર
33 વર્ષીય મોહમ્મદ આમિરે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. તે હવે ફક્ત લીગ ક્રિકેટ રમે છે. આમિરે પોતાના તાજેતરના નિવેદનમાં સ્પષ્ટ કર્યું છે કે તે IPL ને પ્રાથમિકતા આપશે. તમને જણાવી દઈએ કે આમિરની પત્ની નરગીસ ખાતૂન ઈંગ્લેન્ડની નાગરિક છે. આમિરને આશા છે કે તેને ઈંગ્લેન્ડ નાગરિકતા મળશે, જેનાથી તેના માટે IPLમાં રમવાના દરવાજા ખૂલશે.
જો મને તક મળશે તો હું IPL પસંદ કરીશ: મોહમ્મદ આમિર
મીડિયા સાથે વાત કરતા આમિરે કહ્યું કે “સાચું કહું તો, જો મને તક મળશે, તો હું ચોક્કસ IPLમાં રમીશ. હું આ ખુલ્લેઆમ કહી રહ્યો છું. પરંતુ જો મને IPLમાં તક નહીં મળે, તો હું PSLમાં રમીશ. આવતા વર્ષે મને IPLમાં રમવાની તક મળશે, જો એવું થાય તો કેમ નહીં? હું ફક્ત IPLમાં જ રમીશ.”
મોહમ્મદ આમિરને લાગે છે કે આવતા વર્ષે IPL અને પાકિસ્તાન સુપર લીગ એક જ વિંડોમાં નહીં રમાય. આ વખતે પીએસએલ આઈપીએલ વિન્ડોમાં રમાઈ રહી છે, જેનું પરિણામ પીએસએલ લીગ પર સ્પષ્ટપણે જોઈ શકાય છે. આમિરે કહ્યું, “મને નથી લાગતું કે આવતા વર્ષે IPL અને PSL એક જ વિંડોમાં થશે. આ વખતે એવું થયું કારણ કે પ્રાથમિકતા ચેમ્પિયન્સ ટ્રોફી હતી.”
મોહમ્મદ આમિરે કહી આ વાત
આમિરે કહ્યું કે “જો કોઈ PSL ટીમ મને પહેલા સાઈન કરે છે, તો નિયમો મુજબ હું ટુર્નામેન્ટમાંથી ખસી શકતો નથી. પરંતુ જો મને IPL માટે પસંદ કરવામાં આવે છે, તો હું ત્યાંથી પણ ખસી શકતો નથી. હવે તે તેના પર નિર્ભર કરે છે કે મને પહેલા કઈ લીગમાં પસંદ કરવામાં આવે છે. જો IPL નો ઓક્શન પહેલા થાય છે અને મને પસંદ કરવામાં આવે છે, તો હું ખસી શકતો નથી અને PSL રમી શકતો નથી.”
