ભારતીય ટીમના પૂર્વ કેપ્ટન વિરાટ કોહલી હાલ ઓસ્ટ્રેલિયાના પ્રવાસે છે. ગુરુવારે ભારતીય ટીમ બ્રિસ્બેનથી મેલબોર્ન જવા રવાના થઈ હતી. આ દરમિયાન કોહલી એરપોર્ટ પર ખૂબ જ ગુસ્સામાં જોવા મળ્યો હતો.
એરપોર્ટ પર હાજર કેમેરામેન કોહલીના પરિવારના ફોટોગ્રાફ્સ લઈ રહ્યો હતો, જેના કારણે તે ગુસ્સામાં જોવા મળ્યો અને ફોટોગ્રાફ્સ ન લેવાનું કહ્યું. આ દરમિયાન વિરાટ કોહલીના બાળપણના કોચ રાજકુમાર શર્માએ કહ્યું છે કે કોહલી ટૂંક સમયમાં તેના પરિવાર સાથે લંડન શિફ્ટ થઈ શકે છે.
લંડન શિફ્ટ થશે વિરાટ-અનુષ્કા?
રાજકુમાર શર્માના જણાવ્યા મુજબ કોહલીએ નિવૃત્તિ બાદ લંડનમાં સ્થાયી થવાની યોજના બનાવી છે. કોહલી છેલ્લા કેટલાક સમયથી લંડનમાં ઘણો જોવા મળી રહ્યો છે. તેમના પુત્રનો જન્મ પણ આ શહેરમાં ફેબ્રુઆરીમાં થયો હતો. કોહલી-અનુષ્કાનીની લંડનમાં પ્રોપર્ટી છે અને તેઓ કદાચ શિફ્ટ થયા બાદ ત્યાં જ રહેશે.
રાજકુમાર શર્માએ મીડિયીને કહ્યું કે “હા, વિરાટ કોહલી તેના બાળકો અને પત્ની સાથે લંડન શિફ્ટ થવાનું વિચારી રહ્યો છે. તે ભારત છોડી રહ્યો છે અને ટૂંક સમયમાં જ શિફ્ટ થશે. પરંતુ ક્રિકેટ સિવાય કોહલી હાલમાં મોટાભાગનો સમય તેના પરિવાર સાથે વિતાવી રહ્યો છે.
હજુ પાંચ વર્ષ રમશે વિરાટ કોહલી
તેમને આગળ કહ્યું, “વિરાટ હજુ પણ ખૂબ જ ફિટ છે અને હજુ નિવૃત્તિની ઉંમર નથી. મને ખાતરી છે કે તે હજુ પાંચ વર્ષ રમશે. વિરાટ કોહલી 2027ના વર્લ્ડ કપમાં રમતા જોવા મળશે.
કોહલી અને તેનો પરિવાર આ વર્ષનો મોટાભાગનો સમય લંડનમાં રહ્યો હતો. તેના બાળકના જન્મ પછી, કોહલી જૂનમાં ભારતે T20 વર્લ્ડ કપ જીત્યા બાદ પરત ફર્યો હતો. પરંતુ તેને જુલાઈમાં શ્રીલંકા સામેની વનડે સિરીઝમાં કમબેક કર્યું હતું. આ પછી તે ઓગસ્ટ સુધી પરિવાર સાથે રહ્યો. ત્યારબાદ તે ભારત આવ્યો અને બાંગ્લાદેશ-ન્યૂઝીલેન્ડ સામે ટેસ્ટ સિરીઝ રમી. ન્યુઝીલેન્ડ સામેની હાર બાદ કોહલી અને તેનો પરિવાર ભારતમાં હતો.
